Total views : 404393
भक्तपुर । २०८१ साउन १५ गते राती करिब ११ बजेदेखि परेको अविरल वर्षाका कारण भक्तपुरको हनुमन्त्ते खोलामा आएको बाढीले खोला छेउछाउका अधिकांश क्षेत्र डुबानमा परेका छन् । भक्तपुर नगरपालिकाका प्रमुख सुनिल प्रजापतिले गए राती परेको भीषण वर्षाका कारण बाढी र डुबानबाट प्रभावित ठाउँहरुमा आज स्थलगत निरीक्षण गर्नुभई त्यहाँको वस्तुथिति र क्षतिबारे जानकारी लिनुभयो ।
प्रमुख प्रजापतिले अविरल वर्षाका कारण भक्तपुर नपा वडा नं। १ धालाखुसी, इवामुरा कलेज, वडा नं। ३ स्थित बाराही पुल, श्री शारदा आ.वि., वडा नं. ४ स्थित राममन्दिर, तारा मावि र शान्ति निकेतन मावि तथा वडा नं. ७ स्थित हनुमानघाट, बालसेवक विद्यालय, थुसाचालगायतका ठाउँमा बाढीले पु¥याएको क्षेत्रहरुबारे स्थलगत निरीक्षण गर्नुभएको थियो ।
विगत केही दिनदेखि परिरहेको वर्षा र मंगलबार राती परेको वर्षाका कारण भक्तपुर नपाको हनुमन्त्ते खोलामा आएको बाढीले खोला छेउको धानबालीमा क्षति पुग्नुका साथै नजिकै रहेका विद्यालय, व्यापारिक भवन, अस्पताल र सम्पदाहरु समेत डुबानमा परेका छन् । बाढीले मानवीय र अन्य ठूलो भौतिक क्षति नपुगे पनि किसानहरुको बालीनालीमा पनि भने धेरै क्षति पु¥याएको देखिन्छ । खोला साँघुरिएपछि हरेक वर्ष वर्षाका कारण बस्ती डुबानमा पर्ने गरेको छ । यस वर्ष अत्यधिक वर्षा भएको कारण पनि धेरै क्षति पु¥याएको हो ।
