Total views : 223867
जन आवाज न्युज/भक्तपुर । भक्तपर अस्पतालमा पहिलो पटक मंगलबारदेखि आँखाको शल्यक्रिया सेवा सुरु भएको छ ।
आसपतालमा बागमती प्रदेश अन्तर्गत १३ वटा अस्पतालमध्ये भक्तपुर अस्पतालमा मंगलबारदेखि आँखाको शल्यक्रिया सेवा सुरु भएको हो ।
अस्पतालकी मेडिकल डाइरेक्टर डा. सुमित्रा गौतमले आँखाको ओपिडी सेवा पहिलादेखि नै सञ्चालन भए पनि शल्यक्रिया सेवा नहुँदा बिरामीलाई बाध्य भएर तिलगङ्गा आँखा अस्पताल पठाउनुपर्ने बाध्यता भएको बताउनुभयो ।
उहाँले मंगलबार सफलतापूर्वक बिरामीको आँखाको शल्यक्रिया गरेको बताउँदै यसका लागि नेत्र विशेषज्ञ डा. अनुपमा अमात्यको नेतृत्वमा दुई जना आँखा रोग विशेषज्ञ र एकजना प्राविधिक गरी तीनजना जनशक्ति खटिएको समेत जानकारी दिनुभयो । उहाँले अब आँखाका उपचारका लागि अन्य अस्पताल धाउनुपर्ने बिरामीको बाध्यताको अन्त्य भएको साथै आखाँको सामान्य चेकजाच हेरक दिन हुनेछ भने, आखाँको जटिल खालको मेजर शल्यक्रियाचाहिँ हप्ताको हरेक मङ्गलबार हुने बताउनुभयो ।
