Total views : 293087
जन आवाज न्युज/भक्तपुर । भक्तपुर डिजिटल साक्षरता अभियान, नेकपा एमाले भक्तपुर जिल्ला कमिटी मार्फत सशक्तिकरण, प्रविधि र समृद्धि” सूचना प्रविधि (IT) सम्बन्धि एक दिने कार्यशालाको आयोजना गरिएको छ ।
बुधबार डोलेश्वर भिलेज रिसोर्ट, सुर्यविनायक नगरपालिका वडा नं.८, भक्तपुरमा आयोजित उक्त कार्यक्रम प्रचार विभाग, नेकपा एमाले भक्तपुर जिल्ला कमिटी नेकपा एमाले सूर्यविनायक ८ नं. वडा कमिटीको व्यवस्थापन र नेपाल कम्युनिष्ट पार्टी (एमाले) भक्तपुर जिल्ला कमिटीको आयोजनामा कार्यक्रम भएको हो ।
कार्यक्रममा प्रमुख अतिथी नेकपा एमाले पोलिट्ब्युरो सदस्य तथा भक्तपुर इन्चार्ज महेश बस्नेतले सुचना प्रविधिको यो युगलाई सहि तरिकाले प्रयोग गर्नुपर्ने बताउनुभयो । सुचना प्रविधिको दुरुपयोग भैरहेको छ, सामाजिक संजाललाई गलत तरिकाले प्रयोग गर्ने, व्यक्ती विशेसलाई ट्रोल गर्ने काम धेरै भैरहेको छ । यो समयमा सुचना प्रविधिलाई गलत तरिकाले नभएर सहि तरिकाले अधिकतम प्रयोग गर्न आग्रह गर्नुभयो ।
नेकपा एमाले जिल्ला कमिटी भक्तपुरका अध्यक्ष वचन देउजाको अध्यक्षतामा भएको कार्यक्रममा नेकपा एमाले केन्द्रीय सदस्य सोम मिश्र, निर्मल भट्टराई लगाएतको उपस्थिति रहेको थियो ।
कार्यक्रममा नेकपा एमाले जिल्ला कमिटि सदस्य तथा प्रचार विभाग
प्रमुख पुष्पराज बस्नेतले कार्यक्रमको औचित्य तथा कार्य योजनाको विषयमा जानकारी दिनुभएको थियो ।
कार्यक्रममा आइटी अफिसर अफ्जल मियाले सुचना प्रविधिको विषयमा प्रस्तुति दिने बताइएको छ ।
