Total views : 252594
जन आवाज न्युज/भक्तपुर । सशस्त्र प्रहरी जवान विजय जंंगमले लोबुचे हिमालको शिखरमा आइतबार सशस्त्र प्रहरीको झन्डा फहराउन सफल भएका छन् ।
उनले आइतबार बिहान ७ बजेर १२ मिनेटको समयमा ६ हजार १ सय मिटर अग्लो हिमालको शिखरमा सशस्त्र प्रहरी बल नेपालको झन्डा फहराएका हुन् । उनी लोबुचे हिमालबाट बिहान १२ बजे ओर्लिएको बताएका छन् । आरोहणका लागि ७ जना विदेशी र उनी १ जना नेपाली सहित ८ जना लोबुचे आरोहणमा जाने क्रममा १ जना विदेशी अस्वस्थ्थ भएकाले उनलाई लोबुचे क्याम्पबाट नै रस्क्यु गरिएको र ७ जनाले लोबुचे हिमाल सफलता पूर्वक आरोहण गरेको बताएका छन् । यही वैशाख २ गते त्यसतर्फ प्रस्थान गरेको जन आवाज न्युजलाई जानकारी गराएका छन् ।
पछिल्लो समय सशस्त्र प्रहरी बल नेपालले उच्च हिमाली भेगहरूमा खोज तथा उद्धार गर्न सक्ने जनशक्तिको विकासमा तथा उत्तरी सिमानामा सशस्त्र प्रहरी बलको परिचालनमा जोड दिँदै आइरहेको बताइएको छ ।
यसैगरी मनाङ जिल्लामा रहेको पर्वतीय उद्धार तालिम शिक्षालयमा समेत हिमाली खोज तथा उद्धार गर्न सक्ने जनशक्ति उत्पादनको लागि तालिम सञ्चालन भइरहेको बताइएको छ ।
