Total views : 355727
एजेन्सी । अमेरिकी सैनिकले काबुलमा रहेको हामिद कारजाइ अन्तर्राष्ट्रिय विमानस्थल नियन्त्रणमा लिएका छन् ।
तालिबान काबुलमा आएसँगै त्यहाँबाट बाहिरिन चाहेका नागरिकको भिडभाड भएकाले अमेरिकी सैनिकले काबुलको एअर ट्राफिक कन्ट्रोल आफ्नो नियन्त्रणमा लिएको हो । उसले आफ्ना नागरिक तथा कर्मचारीहरु तथा सहयोगी देशका कर्मचारी तथा नागरिकको उद्धारलाई प्राथमिकता दिएको बताइएको छ ।
यस्तै अहिले अधिकांश व्यवसायिक उडानहरु रद्द भएका छन् भने, तालिबान बिद्रोहीहरु काबुल प्रवेश गरेसँगै बाहिरिन चाहने काबुलका बासिन्दाहरु विमानस्थल तर्फ गएको भिडभाडसहितका तस्बिर तथा भिडियो सार्वजनिक भएको हो ।
अमेरिकी सैनिकले सोमबार बिहान विमानस्थलमा अत्यधिक भिडभाड भएका कारण अवस्था नियन्त्रणमा लिनका लागि हवाई फायर गरिएको पनि जनाएको छ । विदेश मन्त्रालयले जारी गरेको वक्तव्यमा विशेष भिसाका लागि योग्य भएका अफगान अमेरिकी सैन्य अभियानको क्रममा सहयोग गरेका नागरिकको उद्धारलाई प्राथमिकता दिइने उल्लेख गरिएको छ । विशेष भिसामा गएको दुई हप्तामा झण्डै दुई हजार मानिस अमेरिका पुगेको पनि बताइएको छ ।
