Total views : 373664
काठमाडौं । आइतबार ६१ अंकले घटेको शेयर कारोबार मापक नेप्से परिसूचक आज सोमबार ७३ दशमलव ०५ अंकले घटेर २ हजार ६ सय ८५ दशमलव ४१ अंकमा झरेको छ । यस्तै साताको दोस्रो दिन आइतबार पनि शेयर बजारमा उच्च अंकको गिरावट आएको छ । आज पुन नेप्से परिसूचक २ प्रतिशतले घटेको छ ।
यता ‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पनि १२ दशमलव ९४ अंकले घट्दै आइतबार भएको कारोबारकोे तुलनामा झन खस्किएको छ ।
आज ५ अर्ब १२ करोड ९ लाख ७३ हजार रुपैयाँको कारोबार भएको छ भने, यसअघि आइतबार साढे ६ अर्बको शेयर कारोबार भएको थियो ।
