Total views : 355267
एजेन्सी । इरानले अमेरिकामाथि परमाणु वार्ता सुरु हुनुअघि अमेरिकाद्वारा रोक्का गरिएको १० अर्ब डलर फुकुवा गर्नुपर्ने शर्त गरेको छ ।
सन् २०१५ मा इरानको परमाणु कार्यक्रम रोक्न इरान र शक्ति राष्ट्रबीच सहमति भएता पनि अमेरिकी पूर्व राष्ट्रपति डोनल्ड ट्रम्पले सम्झौताबाट हात झिक्दै इरानविरुद्ध नयाँ प्रतिबन्ध घोषणा गरेका थिए ।
राष्ट्रपति जो बाइडेनले सो सम्झौतामा अमेरिकालाई फेरि आवद्ध गर्ने प्रयास जारी राखेपछि इरानले उक्ते शर्तलाई अघि सारेको छ ।
अमेरिकाले वार्तामा बसि समस्याको समाधान गर्नका लागि गरेको प्रस्तावलाई पनि इरानले अस्वीकार गरेकोले गत जुनदेखि अप्रत्यक्ष वार्ता समेत रोकिएको बताइएको छ ।
यता इरानी विदेशीमन्त्री हुसेन आमिरले परमाणु वार्ताको निम्ति अमेरिकी अधिकारीहरू सँग अघिल्लो महिनादेखि नै आफूलाई आग्रह गरिरहेको तर आफूले अमेरिकी पक्षबाट रोक्का गरिएको १० अर्ब डलर फुकुवा हुनुपर्ने शर्त राखेपछि वार्ता हुन नसकेको जानकारी गराएका छन् ।
