Total views : 402776
भक्तपुर । उत्तरी गोरखामा हिमपात भएपछि त्यहा घुम्न गएका पर्यटकहरु प्रभावित भएका छन् । गोरखाको चुमनुब्री गाउँपालिकाका विभिन्न गाउँबस्तीमा गए रातिदेखि हिमपात भइरहेको बताइएको छ ।
गएराति हल्का पानी पर्न सुरु भएको थियो भने राति नै हिउँ पर्न थालेदेखि निरन्तर हिमपात भएकोले जनजीवन प्रभावित भएको छ।
उत्तः वडाको तीन हजार मिटरभन्दा धेरै उचाइमा रहेका निले, छुले, पाङ्दुन, लार, फुर्पे, लामागाउँ, बुर्जी, जोङ, छेकमलगायत गाउँ हिउँले ढाकिएको बताइएको छ । त्यस्तै वडा नं १ को सामागाउँ, साम्दो, वडा नं २ को स्याला, ल्होलगायतका गाउँ पनि हिउँले ढाकिएको छ। हिउँ परेपछि मनास्लु क्षेत्र भ्रमणमा गएका पर्यटकहरु प्रभावित भएका छन् । पाँच हजार १०६ मिटर अग्लो स्थानमा रहेको लार्केपासमा गएका पर्यटक सामागाउँ, साम्दोमै रोकिएको बताइएको छ।
Subscribe
Login
0 Comments
Oldest
