Total views : 390882
एजेन्सी । अमेरिकाका पूर्व राष्ट्रपति डोनाल्ड ट्रम्पले आफ्नो ट्वीटर अकाउन्ट फिर्ता माग्दै ट्वीटर विरुद्ध फ्लोरिडाको अदालतमा मुद्दा हालेका छन् ।
ट्वीटरले आफूलाई प्रतिबन्ध गर्नु फ्लोरिडाको सामाजिक सञ्जाल सम्बन्धी नयाँ कानुन विपरीत हुने ट्रम्पको दाबी गर्दै आफ्नो मुद्दामा ट्वीटरलाई आफ्नो अकाउन्ट पुर्नबहालीको लागि आदेश दिन माग गरिएको अन्तर्राष्ट्रिय सञ्चार माध्यमहरुले जनाएका हुन् ।
राष्ट्रपति हुँदा र बाहिरिएपछि पनि ट्रम्पले लगातार आफ्नो अकाउन्टबाट आफ्ना प्रतिस्पर्धीको आलोचना गर्ने र निर्वाचन नतिजाबारे अफवाह फैलाउने गरी ट्वीट गर्दै निरन्तर अफवाह फैलाएको भन्दै जनवरीमा ट्वीटरले ट्रम्पको अकाउन्ट सधैंको लागि प्रतिबन्ध लगाएको हो ।
