Total views : 390897
काठमाडौँ । परराष्ट्रमन्त्री डा.नारायण खड्काले सिन्धुपाल्चोकस्थित नेपाल चीनको तातोपानी भन्सार नाका खोल्न सरकारले चिनियाँ पक्षसँग कूटनीतिक पहल गर्ने बताउनुभएको छ ।
आज कांग्रेसका केन्द्रीय सदस्य मोहनबहादुर बस्नेत र सिन्धुपाल्चोक जिल्लाका व्यवसायीहरूसँग भेट गर्दै मन्त्री डा. खड्काले तातोपानी नाका खोल्नसके सिन्धुपाल्चोकको आर्थिक अवस्थामा केहि सुधार हुने भएकाले भन्सार नाका खोल्न सरकारले चिनियाँ पक्षसँग कूटनीतिक पहल गर्ने बताउनुभएको हो ।
हिमालय व्यापार सीमापार व्यापार संघ र सिन्धुपाल्चोक उद्योग वाणिज्य संघका प्रतिनिधिहरूले चिनियाँ पक्षले सहज रुपमा तातोपानी र रसुवा नाका खोल्न नमानेको गुनासो गरेपछि यस विषयमा सरकारले गम्भीर भएर छलफल गर्ने मन्त्री खड्काले बताउनुभयो ।
