Total views : 347549
काठमाडौं । संयुक्त राष्ट्रसंघले अफगानिस्तानमा अबको महिनादिन भित्रै खाद्य संकट हुन सक्ने भन्दै चेतावनी दिएको छ ।
यस्तै अफगानिस्तानमा संयुक्त राष्ट्रसंघका मानवीय संयोजक रामिज अलाक्बारोभले मानवीय दृष्टिकोणबाट अफगानिस्तानको अवस्था धेरै नै चिन्ताजनक हुँदै गइरहेको बताएका छन् ।
राष्ट्रसंघले त्यहाँका तीनमध्ये एकजना भोकै बस्नुपर्ने स्थिति आउने भन्दै चेतावनी दिईरहेको यो समयमा तालिबानले भने नयाँ सरकार गठन गर्ने तयारी गरिरहेको छ ।
यस्तै अफगानिस्तानमा अहिले खाद्यान्नको मूल्य ५० प्रतिशत र पेट्रोलको मूल्यमा ७५ प्रतिशतले बढेको अलजजिराले जानकारी दिइसकेको छ । यस्तो अवस्थामा अधिकांश अन्तर्राष्ट्रिय सहायताहरू बन्द हुन थालेपछि सरकारी सेवाहरू समेत सञ्चालन हुन सकेको छैन् । त्यहाँका कर्मचारीहरूले आफ्नो तलब पाउन समेत असमर्थ भएको अवस्था सृजिएको बताइएको छ ।
यस्तै तालिवानले सत्ताकब्जा गरेको दुई साता बितिसक्दा पनि अझै नयाँ सरकार गठन गर्न भने सकिरहेको छैन् ।
