Total views : 376358
काठमाडौं । नेपाल आईसीसी टी २० वरीयतामा एक स्थान तल झरेको छ । टेष्ट राष्ट्र आयरल्याण्ड १२ औं स्थानमा उक्लेपछि १२ औं स्थानमा रहेको नेपाल नयाँ वरीयतामा १३ औं स्थानमा झरेको हो । अन्र्तरााष्ट्रिय क्रिकेट परिषद आईसीसी ले बुधबार अपडेट गरेको वरीयतामा नेपालको वरीयता खस्किएको छ ।
यसैगरी नेपालको अहिलेसम्मको उत्कृष्ट वरीयता भने ११ औं स्थान रहेको थियो । टी २० नयाँ वरीयताको इंग्ल्यान्ड शीर्ष स्थानमा, भारत दोस्रोमा, पाकिस्तान तेस्रोमा, न्युजिल्याण्ड चौथोमा र दक्षिण अफ्रिका पाँचौ स्थानमा रहेको छ । यस्तै अष्ट्रलिया छैटौ, बंगलादेश सातौं, अफगानिस्तान आठौं, श्रीलंका नवौं, वेष्ट इन्डिज दशौँ र जिम्बाव्वे ११ औं स्थानमा रहेको छ ।
अहिले आईसीसी विश्वकप लिग २ अन्तर्गत त्रिकोणात्मक सिरिज खेल्नका लागि नेपाली टोली हाल ओमानमा छ । यस्तै नेपाल ओडीआई वरीयतामा १६ औं स्थानमा रहेको छ भने, नेपालले पपुवा न्यु गिनीसँग दुई ओडीआई अन्तर्राष्ट्रिय खेल खेल्ने भएको छ । नेपालले, ओमान र अमेरिका सम्मिलित त्रिकोणात्मक सिरिज सेप्टेम्बर १३ देखि २० सम्म खेल्ने भएको हो ।
