Total views : 361969
एजेन्सी । बर्ड फोटोग्राफर अफ द इयर बने मेक्सिकोका अल्ज्यान्द्रो प्रिइटो यो वर्षकै उत्कृष्ट बर्ड फोटोग्राफर बन्न सफल भएका छन् । प्रिइटोलेयस वर्ष खिचेको अमेरिका मेक्सिको सीमामा उभिएको चराको तस्बिरले उनलाई यो वर्षको विजेता बनाएका छ ।
यस्तै तस्बिरमा देखिएको चरा दगुर्दै सडक पारिपट्टि जान खोज्छ तर सीमामा लगाएका अग्ला पर्खाल र काँडेतारका कारण जान सक्दैन र टुलुटुलु पर्खाल हेरेर उभिएको फोटोमा देख्न सकिन्छ । फोटोग्राफर प्रिइटोले सीमामा खडा गरिएका पर्खालले जैविक विविधतामा खतरा पुगेको कुरा तस्बिरले देखाएको बताएका छन् ।
यस प्रतियोगितामा २२ हजार सहभागीहरुको तस्बिरमध्ये प्रिइटोको तस्बिर यस वर्ष २०२१ को उत्कृष्ट भएको बीबीसीले जनाएको हो । पुरस्कारको राशि पाँच हजार पाउण्ड स्टर्लिङ रहेको थियो । फोटोग्राफर अल्ज्यान्द्रो प्रिइटो सीमा क्षेत्रमा वन्यजन्तुबारे डकुमेन्ट्री बनाउँदै आइरहेको छन् ।
