Total views : 355727
एजेन्सी । भिल्लारियललाई ६–५ ले हराउँदै चेल्सीले युरोपेली सुपर कप जित्न सफल भएको छ । च्याम्पियन्स लिगको विजेता र युरोपा लिगको विजेताबीच यो खेल हुदै आएको छ । गत सिजन चेल्सीले च्याम्पियन्स लिग र र भिल्लारियलले युरोपा लिग जित्न सफल भएको थियो ।
७३ मिनेटमा जेरार्ड मोरेनोले भिल्लायिरलबाट बराबरी गोल फर्काएका थिए । चेल्सीले पेनाल्टी सुटआउटमा आफ्ना नियमित गोलकिपरको साटो वैकल्पिक गोलकिपर केपा अरिजा बालागालाई मैदान उतारेको थियो । यी गोलकिपरले भिल्लारियलका कप्तान राहुुल अलबिओलको प्रहार रोक्दै १९९८ पछि चेल्सीलाई दोस्रो सुपर कप जिताउन सफल भएका छन् ।
यस्तै ९० मिनेट र अतिरिक्त समयमा समेत एक–एक गोलको बराबरी भएपछि पेनाल्टीबाट खेलको टुंगो लगाइएको थियो । चेल्सीका लागि हाकिम जियचले खेलको २७ औं मिनेटमा अग्रता दिलाउन सफल भएका थिए ।
