Total views : 367789
भक्तपुर । “रेडक्रस अभियानमा लागू विपत्तिमा परेका मानवलाई सेवा गरौं” भन्ने मूल नाराका साथ मानवीय सेवामा समर्पित नेपाल रेडक्रस सोसाइटी जुनियर रेडक्रसको विधि अनुसार रेडक्रसमा “म सेवा गर्छु” नारालाई आत्मसात गर्दै विनायक शिक्षा निकेतन इङ्लिस स्कुल मजबुद थिमीले आइतबार विनायक जुनियर रेडक्रस सर्कल को पुनःगठन गरेको छ ।
विनायक जुनियर रेडक्रस सर्कलका संयोजक शिक्षक रामचन्द्र प्रजापतिको संयोजकत्वमा आयोजना गरिएको उक्त कार्यक्रममा कक्षा ६ देखि १० सम्मका करिब ५० जना विद्यार्थीहरूकोे सहभागीता रहेको थियो ।
उक्त भेलामा कृषा प्रजापतिको अध्यक्षतामा शैक्षिक सत्र २०८१ को लागि विनायक जुनियर रेडकस सर्कल गठन गरिएको छ । उक्त कार्यक्रममा नयाँ पदाधिकारीहरूलाई बधाई ज्ञापन गरी प्रिन्सिपल सुरेन्द्रविक्रम प्रजापतिले सफल कार्यकालको शुभकामना प्रदान गर्नुभयो ।
