Total views : 401864
भक्तपुर, असोज २९ गते । सूर्यविनायक नगरपालिकालाई बिहीबार आयोजित विशेष समारोहबीच बालमैत्री स्थानीय शासनयुक्त नगरपालिका घोषणा गरिएको छ।
बागमती प्रदेशका मुख्यमन्त्री किरण थापा मगरको प्रमुख आतिथ्यतामा सम्पन्न कार्यक्रममा नगरप्रमुख बासुदेव थापा, उपप्रमुख सरिता तिमिल्सिना भट्टराई, विभिन्न सरकारी निकायका प्रतिनिधि, जनप्रतिनिधि, कर्मचारी, सरोकारवाला तथा नगरवासीहरूको उपस्थिति रहेको थियो।
कार्यक्रममा नगरप्रमुख बासुदेव थापाले बालमैत्री स्थानीय शासनको महत्त्वमाथि प्रकाश पार्दै बालबालिकाको अधिकार संरक्षण, बालमैत्री वातावरण निर्माण तथा बालबालिकाको सर्वाङ्गीण विकासका लागि नगरपालिका प्रतिबद्ध रहेको बताउनुभयो।
नगरपा लिकाका १० वटै वडा बालमैत्री स्थानीय शासनयुक्त वडा घोषणा भइसकेपछि आवश्यक सूचक तथा मापदण्ड पूरा गर्दै नगरपालिकालाई बालमैत्री स्थानीय शासनयुक्त नगरपालिका घोषणा गरिएको हो।
