Total views : 402980
भक्तपुर, ७ कार्तिक । विगत ६५ वर्षदेखि भाषिक तथा जातीय समानताका लागि आवाज उठाउँदै आएको विराट नेपालभाषा साहित्य सम्मेलनको ६५ औं संस्करण नेपाल संवत् ११४६ कौलाथ्व द्वादशी (२०८३ कार्तिक ६ गते, शुक्रबार) का दिन भव्यताका साथ सम्पन्न भएको छ।
विराट गुठमाडौँका अध्यक्ष महेन्द्रगोपाल कर्माचार्यको सभापतित्व तथा वरिष्ठ साहित्यकार प्रा. नर्मदेश्वर प्रधानको प्रमुख आतिथ्यतामा उक्त कार्यक्रम सम्पन्न भएको हो।
प्रा. प्रेमशान्ति तुलाधरको अभिनन्दन र कृति लोकार्पण
कार्यक्रममा नेपालभाषा साहित्यको क्षेत्रमा छ दशकभन्दा बढी समय अतुलनीय योगदान पुर्याउनुभएका भाषासेवी प्राध्यापक प्रेमशान्ति तुलाधरलाई विशेष अभिनन्दन गरियो।
सोही अवसरमा प्रमुख अतिथि प्रा. प्रधानले संस्थाको मुखपत्र ‘ह्याउँबाला’ (अङ्क ३५) र ‘भाषासेवी प्रा. प्रेमशान्ति तुलाधर’ नामक पुस्तिकाको लोकार्पण गर्नुभएको थियो।
साहित्यिक प्रतियोगिता तथा विजेताहरू
सम्मेलनमा कुल २५ जना साहित्यकारहरूले आ-आफ्ना साहित्यिक रचना प्रस्तुत गरेका थिए। प्रतियोगितात्मक साहित्य प्रस्तुतिमा विजयी हुने स्रष्टाहरू:
- कविता विधा: प्रथम: सविना महर्जन द्वितीय: मिमला शर्मा तृतीय: सकुन्तला महर्जन र बसन्त नकर्मी
- कथा विधा: प्रथम: राकेश महर्जन द्वितीय: रासा तृतीय: महर्जन रत्न
पदक तथा पुरस्कार वितरण
कार्यक्रममा उत्कृष्ट विद्यार्थीहरूलाई विभिन्न पदक तथा पुरस्कार प्रदान गरिएको थियो:
- विराट नेपालभाषा पदक (एस.इ.ई. मा नेपालभाषा विषय लिई उत्तीर्ण विद्यार्थीहरू): फिदा खातुन (जगतसुन्दर ब्वनेकुथि, चागः, काठमाडौँ – २०८१) कजना श्रेष्ठ (जगतसुन्दर ब्वनेकुथि, चागः, काठमाडौँ – २०८२)
- विराट सुरत्न सिरपाः (स्नातकोत्तर तहमा नेपालभाषा विषयमा सर्वाधिक अङ्क ल्याउने विद्यार्थीहरू): सकुन्तला महर्जन (२०८१) भिक्षु सोमरतन महर्जन (२०८२)
सांस्कृतिक प्रस्तुति तथा कार्यक्रम सञ्चालन
समारोहमा नेपालभाषाका चर्चित गायक-गायिकाहरू सत्यनारायण मानन्धर, रिता महर्जन, पवित्र कसाः, प्रदीप शाक्य, रफेला महर्जन र निशान्त श्रेष्ठले साङ्गीतिक प्रस्तुति दिनुभएको थियो।
कार्यक्रमको सञ्चालन महेन्द्रराज शाक्यले गर्नुभएको थियो भने विराटका उपाध्यक्ष कृष्णभक्त बोडेले स्वागत मन्तव्य र कोषाध्यक्ष रामगोपाल चगुठीले धन्यवाद ज्ञापन गर्नुभएको थियो।
