Total views : 364802
काठमाडौं । काभ्रेमा नेकपा एमालेको प्यानल नै विजय भएको छ । अध्यक्षमा राजन भुर्तेल निर्वाचित भएका हुन् । बुधबार राति घोषित चुनावी नतिजाअनुसार चन्द्र लामालाई ८१ मतान्तरले पराजित गर्दै अध्यक्षमा भुर्तेल विजयी हुन सफल भएका छन् । भुर्तेलले ३८० मत पाउँदा लामाले २९९ मत प्राप्त गरेका थिए ।
अध्यक्षसहित पदाधिकारीमा पनि एमालेको प्यानल नै विजयी भएको हो । एमाले नेता तथा सांसद गोकुल बास्कोटा निकटको प्यानल रहेको छ ।
यसैगरी उपाध्यक्षमा भुर्तेल प्यानलका देवसागर लामाले ४७१ मत प्राप्तगरेका थिए । पराजित आत्मराज थापाको २०८ मत मात्रै गरेका थिए । सचिवमा राजकुमार सापकोटा विजयी भएका छन् । उहाँले ४४४ मत प्राप्त गर्दा, पराजित भएका होमप्रसाद चौलागाईंको २३५ मत प्राप्त गरेका थिए । यस्तै उप सचिवमा रत्नकुश रन्जितकारले ३२४ मत प्राप्त गर्दा र सूर्यमाया दनुवारले ३६१ म्त प्राप्त गरी निर्वाचित भएका हुन् ।
