Total views : 355739
काठमाडौं । विश्वका तीन ठुला र चर्चित फुटबल लिगका खेलहरु आजदेखि सुरु हुने भएका छन् । स्पेनको ला लिगा, इंग्ल्यान्डको शीर्ष डिभिजनको इंग्लिस प्रिमियर लिग ईपीएल र जर्मनीको बुन्डेसलिगा एकै दिन सुरु हुन लागेको हो ।
लिगमा उपाधि जित्नका लागि उत्साहित चेल्सीले पनि बलिया फरवार्ड रोमेलु लुकाकुलाई अनुबन्ध गरिसकेको छ भने, त्यस्तै, म्यानचेस्टर युनाइटेडले जर्मनीको बोरुसिया डर्टमन्ड क्लबबाट जार्डन सान्चेकोे क्लबमा आगमन भएको छ ।
लिभरपुरका डिफेन्डर भर्जिल भान डाइक प्रिमियर लिगमा फर्किएपछि उनले यो सिजनमा पछिल्लो सिजनको तुलनामा उत्कृष्ट प्रदर्शन गर्ने अङ्कल गरिएको छ ।
यो लिगमा प्रमुख उपाधिका दाबेदारको रुपमा चेल्सी, लिभरपुल, म्यानचेस्टर सिटी र युनाइटेड नै देखिएको आङ्कलन गरिदै आएको छ । स्पेनिस क्लब बार्सिलोनाले विश्वचर्चित प्लेमेरकर लियोनेल मेस्सीलाई क्लबमा स्थान दिन नसकेपछि उसले आलोचना खप्दै आएको छ । मेस्सी भने अहिले फ्रेन्च लिग वान क्लब पेरिस सेन्ट जर्मेनमा खेलिरहेका छन् ।
गत साता सुरु भइसकेको लिग वानको पहिलो चरणको खेल सकिएको छ । यो सप्ताहन्तमा लिग वानमा दोस्रो चरणको खेल हुने भएको छ । इटालीको सिरी ए भने अर्को अगस्ट २१ बाट सुरु हुने भएको छ ।
बुन्डेसलिगमा भने बार्यन, लाइप्जिक र बोरुसिया डर्टमन्ड उपाधिका दाबेदार रहेका छन् । तुलनात्मक रुपमा हेर्दा हरेक सिजन बलियो देखिने बार्यनले यो सिजनको उपाधि जित्ने धेरैको अनुमान रहेको छ ।
त्यस्तै आजको खेलमा ईपीएल र ब्रेन्टफर्ड र आर्सनलको राति पौने १ बजे खेल हुने भएको छ, भने ला लिगा भ्यालेन्सिया र गेटाफे, राति पौने १ बजे र बुन्डेसलिगा र मोन्छेनग्लाडबाख र बायर्नको राति सवा १२ बजे खेल हुने भएको छ ।
