Total views : 348068
काठमाडौं । लगातारको वर्षाले एभरेष्ट प्रिमियर लिगका खेलहरु ल्गातार स्थगित भईरहेका छन् । यस्तै बर्षाका कारण तेस्रो खेल समेत प्रभावित हुन पुगेको छ ।
आइतबार पनि भारी बर्षाका कारण पोखरा राइनोज र भैरहवा ग्लाडियटर्सको खेल रोकिएको थियो । आज सोमबार विहान तय भएको काठमाडौं किंग्स ११ र बिराटनगर वारियर्सको खेल पनि रोकिन पुगेको छ ।
कीर्तिपुर मैदानको आउटफिल्ड भिजेकाले आइतबारको खेल हुन नसकेको हो भने, बर्षाकै कारण भन्दै दुई घण्टा कुरेर अन्तिममा स्थगित नै भएको थियो । यो खेल अर्र्को दिन डे अफमा खेलाइने बताइएको भएता पनि खेल भने हुन सकेन ।
सो खेलमा टसका लागि अम्पायरले मैदानको निरिक्षण गर्दा अन्तिममा साँढे २ बजेको समय तोकिएको बेला फेरि बिचमा भारी बर्षा भएर मैदानमा पानी जमेपछि खेल रद्द नै भयो ।
सोमबार पुन पानीकै कारण खेल नहँुदा झन दबाब बढेको छ । यता पहिलो खेलमा समेत जितका लागि ठूलो संभावना बोकेको भैरहवाको खेल स्थगित हुँदा टिमलाई घाटा भएको छ ।
