Total views : 348125
एजेन्सी । इक्वेडरको जेलमा दुई समूहबीचको झडप हुँदा कम्तिमा ११६ जनाको मृत्यु भएको बताइएको छ । दक्षिण अमेरिकी देशको इतिहासमा यो सबैभन्दा ठूलो जेलहिंसा भएको हो ।
उक्त घटना गुयाक्वील शहरमा मंगलबार भएको झडपमा ५ जनाको मृत्यु भएको थियो । त्यसपछि बाँकी सबैको गोली हानेर हत्या गरिएको बताइएको छ । पुलिस कमाण्डर फुस्तो ब्यूनानोका अनुसार सो झडपमा कैदीहरुले ह्याण्ड ग्रिनेट समेत प्रहार गरेका थिए ।
४ सय जना प्रहरी अधिकारीको प्रयासपछि जेल पुनः नियन्त्रणमा लिइएको छ भने, सो जेलमा विश्वका कुख्यात लागूऔषध तस्करहरुलाई राखिएको छ । शक्तिशाली मेक्सिकन लागूऔषध तस्कर समूह अहिले इक्वेडरमा सक्रिय रहेको छ ।
सोहि समूहले यो विद्रोहको सुरुआत गरेको इक्वेडरका जेल सेवा निर्देशक बोलिभर गार्जोनले स्थानीय रेडियोसँग यो घटनालाई ‘भयानक’ बताएका छन् ।
