Total views : 355863
काठमाडौ । हाम्रो शरीरमा अनेकथरी परिवर्तनहरू समय अनुकुल र मौसम अनुकुल आइरहेका हुन्छन् । कतिपय अवस्थाहरुमा हाम्रो शररिमा भएको परिर्वतन बारे हामी आफै अनविज्ञ भईरहेका हुन सक्छौ त्यसैले यस्ता परर्वतन भएमा सजग रहनुहोस् । यी ससाना परिवर्तन कुनै ठूलो रोगका लक्षण पनि हुनसक्ने भएकाले सम्बन्धित चिकित्सकको सल्लाह लिईहाल्नुस् । यसलाई सही समयमा नै चिनियो भने ठूलो रोगलाई पहिल्यै नियन्त्रण गर्न सकिन्छ । छाला रोग विशेषज्ञ डा नितिन वालियाले शरीरमा यस्ता संकेतको चर्चा गर्नुभएको छ ।
छालामा सेतो वा पहेंलो दाग
यस्तो दाग देखियो भने शरीरमा कोलेस्ट्रोल बढेको संकेत हो । यसबाट मुटुरोगको जोखिम बढ्ने भएकोले चिकित्सकको परामर्श लिनुहोस् ।
नङ कालो हुनु
हात र गोडाको नङ कालो हुनु क्यान्सरको लक्षण हुनसक्छ ।
छाला चिलाउनु
छाला लामो समयसम्म चिलाएमा थाइरोइड वा मधुमेहको संकेत हुन सक्छ ।
आँखीभौं पातलो हुनु
अचानक आँखीभौं पातलो भएमा थाइराइडको सम्भावना हुन सक्छ ।
काखीमुनि कालो
अचानक काखीमुनिको भाग कालो देखि थाल्यो भने पनि थाइराड वा मधुमेह हुन सक्ने भएकोले चिकित्सलाई देखाई सल्लाह लिनुहोस् ।
