Total views : 355863
एजेन्सी । इटलीमा विमान दुर्घटना हुँदा विमानमा रहेको सबै यात्रुको मृत्यु भएको छ । उक्त विमानमा ८ जना रहेको बताइएको छ ।
इटलीको उत्तरी क्षेत्रमा पर्ने मिलान सहरको एउटा खाली भवनमा ठोक्किएर विमान दुर्घटना भएको बीबीसीले जानकारी गराएको छ ।
दुर्घटनामा विमानमा सवार सबैको मृत्यु भएको अधिकारीहरुले जानकारी गराएका हुन् । मिलानको लिनाते विमानस्थलबाट सार्दिनिया आइल्यान्डका लागि उडेको विमान केहीबेरमै दुर्घटनामा परेको बताइएको छ ।
उक्त विमान ठोक्किएपछि भवनमा आगलागी भएको थियो । विमान दुर्घटनाको कारणबारे अनुसन्धान सुरु गरिएको इटालीका अधिकारीहरुले जानकारी गराएका छन् ।
सोहि विमानमा रहेका पाइलटसहित उनकी श्रीमती र छोराको पनि ज्यान गएको अधिकारीहरुले बताएका छन् ।
