Total views : 361883
काठमाडौं । मुगुमा बस दुर्घटना हुँदा २२ जनाको मृत्यु भएको छ । मंगलबार दिउँसो अन्दाजी साढे १ बजे छायानाथ रारा नगरपालिका–७ पिनाटपने खोला भन्ने ठाउँमा बस दुर्घटना भएको हो ।
सुर्खेतबाट मुगुको सदरमुकाम गमगढीका लागि गएको भे १ ख ३१६७ नम्बरको बस दुर्घटनामा परेको कर्णाली प्रदेश प्रहरी कार्यालयले जनकारी गराएको छ । बस सडकबाट दुई सय मिटर तल खसेकोकोले बस क्षतविक्षत अवस्थामा रहेको प्रहरीले बताएको छ ।
३९ जना सवार उक्त गाडिमा घाइतेहरूलाई दुर्घटनास्थलबाट निकाल्दै अस्पताल लाने काम भइरहेको बताइएको छ । अहिले घाइतेको उद्धारका लागि हेलिकप्टर समेत बोलाइएको छ ।
उद्धारको लागि सशस्त्र, नेपाल प्रहरी, स्थानीयबासी खटिएको बताइएको छ । उक्त घटनाको पूर्ण विवरण भने आउन बाँकी रहेको छ ।
