Total views : 400940
काठमाडौं । साल्ट ट्रेडिङ कर्पोरेसनको २५ प्रतिशत लाभांश प्राप्त गर्ने आज सोमबार अन्तिम दिन रहेको छ ।साधारण सभा प्रयोजनका लागि मंगलबार कात्तिक २ गतेदेखि १६ गतेसम्म बुक क्लोज गर्ने भएको छ ।
आज कार्तिक १ गते सोमबारसम्म कायम सेयरधनीले मात्र लाभांश पाउन सक्ने भएका छन् । कम्पनीले अघिल्लो आर्थिक वर्ष २०७६–७७ को वार्षिक साधारण सभा कात्तिक १६ गते बोलाएको छ ।
उक्त सभामा सञ्चालक समितिले गत चैत्रमा घोषणा गरेको २५ प्रतिशत लाभांश प्रस्ताव अनुमोदनका लागि पेश हुनेछ । कम्पनीले २० प्रतिशत बोनस सेयर र ५ प्रतिशत नगद गरी कुल २५ प्रतिशत लाभांश वितरण गर्ने भएको हो । सभा जुम एप्लिकेसन मार्फत भर्चुअल माध्यमबाट बिहान ११ बजे सुरु हुने कम्पनीले जनकारी गराएको छ ।
