Total views : 373664
काठमाडौं । गृह मन्त्रालयले धमाधम प्रमुख जिल्ला अधिकारी सीडीओहरुको सरुवा गरिरहेको छ । गत असोज ३१ गतेको मन्त्रीस्तरीय निर्णयबाट सीडीओहरुको काज सरुवा गरिएको छ ।
काज सरुवा हुनेहरुमा कैलालीका प्रमुख जिल्ला अधिकारी खगेन्द्रप्रसाद रिजाललाई गृह मन्त्रालयमा तानेर उनको स्थानमा सहसचिव किरण थापालाई उक्त ठाउँमा पठाइएको छ । यस्तै गृह मन्त्रालयका सहसचिव हरिप्रसाद घिमिरेलाई अर्घाखाँची र अर्घाखाँचीका प्रजिअ विष्णु पौडेललाई गृह मन्त्रालयमा तानिएको छ ।
यसैगरी सहसचिव जगन्नाथ पन्तलाई पाल्पाको सीडीओको जिम्मेवारी दिइएको छ भने, पाल्पाका प्रमुख जिल्ला अधिकारी रहेका योगेन्द्रप्रसाद पाण्डेको दशैं अगाडि नै अख्तियार दुरुपयोग अनुसन्धान आयोगमा सरुवा गरिएको छ ।
यता राष्ट्रिय विपद जोखिम न्यूनीकरण तथा व्यवस्थापन प्राधिकरणमा उपसचिव पदमा कार्यरत वेदनिधि खनाललाई सिन्धुपाल्चोकको प्रमुख जिल्ला अधिकारीको जिम्मेवारी दिइएको छ ।
सरुवा हुनेहरुको सूची सहित ˸
