Total views : 401161
काठमाडौं । सुनको मूल्य आज एक सय रुपैयाँ वृद्धि भएर तोलाको ९१ हजार चार सय रुपैयाँ पुगेको नेपाल सुनचाँदी व्यवसायी महासंघले जानकारी गराएको छ । आज बजारमा प्रतितोला सुनको मूल्य एक सय रुपैयाँले बढ्ेर करोबार भएको छ ।
यस्तै सोमबार सुनको मूल्य प्रतितोला ९१ हजार ३०० तोकिएको थियो भने, छापावाल सुन दसैँअघि गत असोज २५ गते प्रतितोला रु. ९० हजार ६०० मा कारोबार भएको थियो । यसअघि सोमबार पनि सुनको मूल्य तोलामा ७ सय रुपैयाँले बढेर ९१ हजार ३ सय रुपैयाँ पुगेको थियो ।
महासंघले सार्वजनिक गरेको तथ्यांकमा बुधबार तेजाबी सुन प्रतितोला रु. ९० हजार ९०० मा कारोबार हुने बताइएको छ । जुन सोमबार प्रतितोला ९० हजार ८०० रुपैयाँमा कारोबार भएको थियो ।
महासंघका दिएको जानकारी अनुसार बुधबार चाँदीको मूल्य सोमबारको तुलनामा प्रतितोला रु. १० ले बढेर एक हजार २३५ पुगेको छ । चाँदी सोमबार प्रतितोला एक हजार २२५ रुपैयाँमा कारोबार भएको थियो ।
