Total views : 367982
काठमाडौं । उपराष्ट्रपति नन्दबहादुर पुनले मौलिक भाषा, कला, संस्कृतिमाथि अतिक्रमण भइरहेको बताउदै हाम्रो कला संस्कृति र भाषा भावी पुस्तालाई हस्तान्तरण गर्नुपर्ने बताउनुभयो ।
नेपाल प्रज्ञा प्रतिष्ठान र लोकवार्ता परिषद् नेपालको सहकार्यमा परिषद्को १० औँ सम्मेलनको आज आयोजना गरिएको कार्यक्रममा मौलिक भाषा कला र संस्कृतिको जगेर्ना गर्न सम्बन्धित पक्षको ध्यानाकर्षण समेत गराउनुभयो ।
कार्यक्रममा पुनले लोकवार्तासँग सम्बन्धित सबै क्षेत्रको संरक्षण, सम्वद्र्धन र विकास गर्नु राज्यको दायित्व हो, राज्यले उक्त दायित्वबाट पछि हट्न नमिल्ने भएकाले यस अभियानमा सबै लाग्न समेत आग्रह गर्नुभयो ।
लोकवार्तासँग सम्बन्धित क्षेत्रको अनुसन्धान, अध्ययन र संरक्षण तथा सम्वद्र्धनका लागि लोकवार्ता परिषद्ले गरिरहेको काम र नेपाल प्रज्ञा–प्रतिष्ठानले गरिरहेको सहयोगको प्रसंशा गर्दै उपराष्ट्रपतिले यसले नेपालको लोकवार्ताको अनुसन्धान, संरक्षण र प्रवद्र्धनका लागि सहयोग गरेको जानकारी गराउनुभयो । आजको कार्यक्रममा नेपालको लोकवार्तासँग सम्बन्धित पाँच वटा पुस्तक समेत लोकार्पण गरिएको थियो ।
