Total views : 401210
काठमाडौं । सरकारले ६ महिनापछि ड्राइभिङ लाइसेन्सको अनलाइन आवेदन खुलाएको छ । वैशाख १६ देखि रोकिएको अनलाइन आवेदन सोमबारदेखि खुला गरिएको यातायात व्यवस्था विभागले जानकारी गराएको छ छ ।
दैनिक ५ हजार कोटामा अनलाइन आवेदन खुलाएको जानकारी दिदै आवेदनमा कोटा प्रणाली भने कायमै रहने विभागले जानकारी गराएको छ । देशभरबाट २१ कार्यालयको आआफ्नो क्षमता अनुसारको कोटा अन्तर्गत आवेदन संकलन गर्दा दिनमा करिब पाँच हजार मात्र आवेदन संकलन गरिने जानकारी गराइएको छ ।
यसैगरी लाइसेन्सको लागि नयाँ आवेदन बन्द भए पनि ट्रायल परीक्षा भने सुचारु गरिदै आएको थियो । कोरोना महामारी अघिसम्म नयाँ लाइसेन्सको आवेदन दिनेको सङ्ख्या दैनिक आठ हजार थियो भने, लामो समयसम्म आवेदन बन्द हुँदा लाइसेन्सको माग बढ्ने अनुमान रहेको विभागले जनाएको छ ।
