Total views : 355223
राम चन्द्र प्रजापति
भक्तपुर । । ब्लड डोनर्स एशोसियसन नेपाल भक्तपुर शाखाको दशौं साधारणसभा संस्थाका अध्यक्ष शिवकुमार त्वायनाको सभापतित्वमा सम्पन्न भएको छ । कार्यक्रममा ब्लड डोनर्स एशोसियसनका केन्द्रीय अध्यक्ष सानुबाबु प्रजापतिले उद्घाटन गर्नुभयो । उद्घाटन कार्यक्रमका प्रमुख अतिथि सानुबाबु प्रजापतिले २०२३ सालमा स्थापित रेडक्रमको अभिन्न अंगको रुपमा २०४६ सालमा स्थापना भएको ब्लड डोनर्स एशोसियसनले काम गरेको उल्लेख गर्नु हुँदै विरामीको लागि रगत आवश्यक परेमा मानिसको रगतको विकल्प नभएकोले स्वस्थ रगतको लागि स्वस्थ युवाले रक्तदान गर्नु पर्ने बताउनुभयो ।
रगत आवश्यक पर्ने विरामीलाई रगत विना सोधभर्ना र निशुल्क रगत उपलब्ध गर्न विभिन्न निकायसंग छलफल गरिरहेको प्रमुख अतिथि सानु बाबु प्रजापतिले जानकारी गर्नुभयो। ब्लोदानले रगतको क्षेत्रमा विभिन्न संस्थालाई रक्तदान कार्यक्रम आयोजना गर्न उत्प्रेरणा गरि रक्त संकलनमा योगदान पुर्याइरहेको बताउनुभयो ।
कार्यक्रममा ब्लड डोनर्स एशोसियसनका उज्ज्वल केसी नेपाल रेडक्रस सोसाइटी भक्तपुर शाखाका पूर्व सभापति कृष्ण प्रसाद अवाल नेपाल रेडक्रस सोसाइटी भक्तपुर शाखाका संयोजक कृष्ण गोपाल लागे ब्लोदान भक्तपुरका सचिव रुकेश रंजित सोम प्रधान निर्मला सुवाल लगाएतले रक्तदान गर्न युवाहरुलाई उत्प्रेरित गर्नु पर्नेमा जोड दिनुभयो।
