Total views : 355251
काठमाडौं । नेकपा एमालेका सचिव प्रदीप ज्ञावलीले वर्तमान सरकारले प्रदेशका मुख्यमन्त्री ६–६ महिनामा परिवर्तन गर्ने बाहेक जनहितका लागि कुनै पनि काम गर्न नसकेको आरोप लगाउनुभएको छ ।
आज भरतपुर विमानस्थलमा पत्रकारहरुसँग कुराकानी गर्दै उहाँले परमादेशबाट बनेको सरकारको काम टिप्पणी गर्न लायक नै नभएको बताउनुभएको हो ।
यस्तै उहाँले एमालेको १० औं महाधिवेशनबाट सर्वसम्मत नेतृत्व चयन गर्ने बतादैं अध्यक्ष लगायतका अधिकांश पदहरुमा सर्वसम्मत हुने समेत दाबी गर्नुभएको छ ।
यसैगरी महाधिवेशनको मिति नजिकिएसँगै आज महासचिव ईश्वर पोखरेल, विष्णु पौडेल, रामबहादुर थापा बादल, शंकर पोखरेल, सुरेन्द्र पाण्डे, योगेश भट्टराई, शेरबहादुर तामाङ लगायतका नेताहरु चितवन जाने बताइएको छ ।
एमालेको १० औं राष्ट्रिय महाधिवेशन मंसिर १० गतेदेखि १२ गतेसम्म चितवनमा हुने भएको छ ।
