Total views : 377323
एजेन्सी । बिहिबार राती काबुल विमानस्थलको बाहिरी हिस्सामा भएका दुई बिस्फोटमा कम्तीमा ९० जना मारिएको बताइएको छ । जसमा १३ अमेरिकी सैनिक पनि समावेश रहेका छन् । यस्तै समाचार एजेन्सी रोयटर्सले दिएको जानकारी अनुसार काबुल विमानस्थलमा भएको बम बिस्फोटमा तालिबानका कम्तीमा २८ सदस्य मारिएका छन् ।
तालिबानका एक अधिकारीले दिएको जानकारी अनुसार ‘काबुल विमानस्थलमा भएको बिस्फोटमा अमेरिकीभन्दा बढी हाम्रा मानिसहरु मारिएका बताएका छन् ।’ उक्त बिस्फोट पश्चात भने, उनीहरुले अमेरिकीलाई ३१ अगस्टपछि अफगानिस्तानमा बस्न कुनै आवश्यकता नरहेको बताएका छन् । सो बिस्फोटको इस्लामिक स्टेटको एक सहयोगी संगठनले जिम्मेवारी लिएको समेत दाबी गरिएको बताइएको छ ।
