Total views : 296048
भक्तपुर । यही बैशाख ३० गते सम्पन्न हुने निर्वाचन नजिकिए सँगसँगै गठबन्धनको घरदैलो कार्यक्रम सुरु गरेको छ ।
घरदैलो कार्यक्रममा सुर्यविनायक नगरपालिकाका उम्मेदवार मेयर निशान ढुंगेल, उपमेयर श्याम बस्नेत, वडा अध्यक्ष उम्मेदवार लछुराम न्यौपाने, खुल्ला सदस्यहरुमा महिला तर्फ चन्द्र कुमारी पोखरेल, सुजिता परियार र पुरुषतर्फ खुला सदस्यमा उज्वल राजथला, र दामोदर सुवेदी लगाएतको उपस्थितिमा घरदैलो कार्यक्रम सुरु गरेको छ ।
उम्मेदवारको नाम सार्वजनिक भएसँगसँगै गठबन्धनले नगरपालिकाका उम्मेदवारहरु स्थानीय तहको निर्वाचनको प्रचारप्रसार र घरदैलोको अभियानमा लागेका हुन । सोमबार वडा नं. ७ गुण्डुमा घरदैलो कार्यक्रम गरिएको थियो भने, आज वडा नं. ४ दधिकोटमा गरिएको घरदैलो कार्यक्रममा उम्मेदवारहरुसँगसँगै स्थानीयबासीहरुको पनि उल्लेख्य सहभागिता रहेको छ ।
