Total views : 344274
काठमाडौँ । थुलुङ राई सामा केन्द्रीय सरोकार समितिले नेपाल सरकारको उपसचिवमा हालै बढुवा भएका कोपिला राई र योग्य प्रसाद राईलाई सम्मान गरेको छ ।
कोटेश्वरस्थित किरात राई यायोक्खा किराया काठमाडौँ जिल्ला कार्यसमितिको कार्यालयमा एक कार्यक्रमबिच बधाई ज्ञापन गर्दै सम्मान गरिएको हो ।
उपसचिवद्धय कोपिला र योग्य प्रसादलाई सरोकार समितिका कार्यावाहक अध्यक्ष मुकुन्द राईले मायाको चिनो प्रदान गरेर सम्मान गरेका थिए ।
कार्यक्रममा थुलुङ राई समुदायबाट पहिलो सि.डि.ओ. बनेका राजकुमार राई, त्रिभुवन विश्वविद्यालयका उप–प्राध्यापक जैलव राई, किराया काठमाडौँकी उपाध्यक्ष शशिकला राई, किरात राई कर्मचारी मन्चकी उपाध्यक्ष अनुपा राई तथा सचिव अविलाल राई, व्यवसायी तथा सरोकार समितिका कोषाध्यक्ष रोमशमणी राई तथा सदस्य तेज बहादुर राई, किराया भक्तपरको सचिव जमिन राई, साहित्यकार खुक्सङ खम्बु राई लगायतले उनलाई बधाई तथा शुभकामना ज्ञापन गरेका थिए ।
किरात राई कर्मचारी मन्चका सचिव अविलाल राईले निजामति कर्मचारी क्षेत्रमा राई जातिको सहभागितालाई अझ बढाउँदै लैजान चाँडै मन्चले कोटेश्वरस्थित किराया भवनमा लोकसेवा आयोगको तयारी कक्षा सञ्चालन गर्ने जानकारी दिनुभयो ।
