Total views : 351348
काठमाडौँ । माधवकुमार नेपाल नेकपा एकीकृत समाजवादीको संसदीय दलको नेतामा सर्वसम्मत चयन भएका छन् । । आज बसेको संसदीय दलको बैठकले नेपाललाई सर्वसम्मत रुपमा दलको नेता चयन गरेको हो ।
यसैगरी प्रतिनिधिसभामा सो दलका २२ जना सांसद रहेका छन् भने, राष्ट्रियसभामा संसदीय दलको नेतामा बेदुराम भुसाल पनि सर्वसम्मत चयन भएका छन् । राष्ट्रियसभामा भने ७ जना रहेका छन् । निर्वाचन आयोगले भने गत बुधबार नै सो नयाँ दललाई दल दर्ताको प्रमाण पत्र दिइसकेको छ । दलले वैधता पाएपछि सो दलले ५ सदस्यीय स्थायी कमिटी पनि गठन गरिसकेको छ ।
यता एकीकृत समाजवादी पार्र्टीले देउवा सरकारमा जाने यसअघि नै निर्णय गरेको छ । सोमबारसम्म प्रधानमन्त्री शेरबहादुर देउवाले मन्त्रिपरिषद् विस्तार गर्ने तयारी गरिसकेको बताइएको छ ।
