Total views : 361876
काठमाडौ । नेपाल विद्युत प्राधिकरणमा कुलमान घिसिङको कमब्याक भएको छ । सरकारले घिसिङलाई नेपाल विद्युत प्राधिकरणको कार्यकारी निर्देशकमा नियुक्त गरे सगैं विद्युत प्राधिकरणले केहि बेरमा स्वागतको कार्यक्रम राखेको छ । ऊर्जा, जलस्रोत तथा सिँचाइ मन्त्री पम्फा भुसालको उपस्थितिमा सचिव देवेन्द्र कार्र्कीले घिसिङलाई नियुक्ति पत्र दिनुभएको छ ।
मन्त्रिपरिषद् बैठकले प्राधिकरणको कार्यकारी निर्देशकमा घिसिङलाई नियुक्त गर्ने र वर्तमान कार्यकारी निर्देशक हितेन्द्रदेव शाक्यलाई जल तथा ऊर्जा आयोगमा लैजाने निर्णय गरेको हो । प्राधिकरण स्रोतका अनुसार शाक्यले हिजो मङ्गलवार प्राधिकरणमा पुगेर अनौपचारिक रूपमा विभागीय प्रमुख लगायतसँग भेटघाट गरी बिदा लिनुभएको छ ।
