Total views : 329871
भक्तपुर । भक्तपुरका एक सय वर्षीय हरिलाल पञ्च सम्मानित भएका छन् । नपली नेपाः पुचःले टोलको सवैभन्दा जेष्ठ एक सय वर्ष भएकोमा सम्मान स्वरुप अभिनन्दन गरेको हो । पुचःका अध्यक्ष इन्द्रमान श्रेष्ठले दोसल्ला ओढाई, सम्मानपत्र प्रदान गरी सम्मान गरेका हुन् ।
सम्मानित हरिलाल पंचको जन्म १९८१ मंसिर १९ गते भएको थियो । उनले गएको मंसिर १९ गते ९९ वर्ष पूरा गरी एक सय वर्ष प्रवेशको अवसरमा जन्मदिन मनाएको थियो । उनकी धर्मपत्नी केशरी पंच पनि सम्मान कार्यक्रममा मञ्चमा थिइन् । उनको जन्म भने १९८५ मंसिर २३ गते भएको थियो । उहाँ पनि एक सय वर्ष प्रवेशको क्रममा छन् ।
कार्यक्रममा हरिलालले आफूलाई सम्मान गरेको संस्थाका लागि पाँंच हजार नगद सहयोग प्रदान गर्नुभयो । संस्थाले टोलमा वनाउँंदै गरेको घाट (श्राद्ध गर्ने ठाउँं) बनाउन रकम अभाब भएकोले बुबा हरिलालको नाममा आफूले रकम सहयोग गरेको कान्छो छोरा लक्ष्मीप्रसादले बताउनुभयो ।
