Total views : 233582
भक्तपुर । विपुल क्षेत्री भन्ने बित्तिकै नेपाली संगीतका समसामयिक पप तथा लोक-पप गायक, रचनाकार एवम् सङ्गगीतकार भनेर नचिन्ने कमै होलान। उनको पहिलो एल्वम सन् २०१४ को स्केचेस अफ दार्जीलिङ रहेको थियो । यस्तै दोस्रो एल्वम माया सन् २०१६ मा वितरण भएको थियो।
प्राय ठुला- ठुला क्लबहरु र विदेशमा मात्रै आफ्नो सांगीतिक प्रस्तुती दिने क्षेत्री लामो समय पश्चात् यसरी खुल्ला ठाउँ भक्तपुरको सल्लाघारीमा आफ्नो प्रस्तुति दिन आउन लागेका हुन ।
पछिल्लो समयमा तिमि जाने सिलगुडी म चाहीँ सिक्किम तिर‘।, डडेलो लाग्यो‘। जस्ता चर्चित गीतद्वारा चिरपतिचित नाम हो, विपुल क्षेत्री । चर्चित गायक क्षेत्री बैशाख ३ गते भोली सल्लाघारीस्थित तीन कुनेको चौरमा कालिंगपुंग सिक्किमका नेपाली भाषी उनै गायक क्षेत्रीको विशेष प्रस्तुति रहने भएको छ । (भिडियो हेर्न तल क्लिक गर्नुहोला)
उक्त सांगीतिक कार्यक्रमको प्रवेश शुल्क ५ सय र १ हजार तोकिएको आयोजकले जानकारी दिएको छ । उनी लगायत अन्य नेपाली कलाकारहरुको समेत सांगीतिक कार्यक्रम हुने आयोजक सन्दिप महतले जानकारी दिनुभयो ।
विपुलको कार्यक्रम हेर्न चाहने र उनलाई माया गर्ने फ्यान्स र दर्शकले www.ticketsanjal.com मार्फत टिकट काट्न सक्ने छन् । विपुलका सिन्डिकेट , सरर लगायत गीतहरू धेरै नै लोकप्रिय बनेको छ ।
