Total views : 351259
काठमाडौं । यूएस ओपन २०२१ अन्तर्गत पुरुष सिंगल विधातर्फ रसियाका ड्यानियल मेडभेडेभले विश्व नम्बर १ नोभाक जोकोभिचलाई पराजित गर्दै आफ्नो करियरको पहिलो ग्रान्ड स्ल्याम उपाधि जित्न सफल भएका छन् ।
न्यू योर्कस्थित आर्थुर आशे स्टेडियममा आईतवार राती भएको खेलमा विश्व नम्बर २ मेडभेडेभले जोकोभिचलाई ६९४, ६९४ र ६९४ को सोझो सेटमा पराजित गर्दै पहिलो ग्रान्ड स्ल्याम उपाधि उचालेका हुन् । खेलमा १६ एस प्राप्त गरेका मेडभेडेभले कुल ९९ अंक बनाएका थिए ।
यो वर्ष अस्ट्रेलियन ओपन, फ्रेन्च ओपन र विम्बेल्डन गरी तीन ग्रान्ड स्ल्याम आफ्नो पक्षमा पारीसकेका जोकोभिच यूएस ओपन उपाधि जित्दै इतिहास रच्ने दाउमा रहेका जोकोभिचको क्यालेण्डर ग्रान्ड स्ल्याम उपाधि जित्ने सपना अधुरो भएको छ । उनी इतिहासमै पहिलो पटक २१ ग्रान्ड स्ल्याम उपाधि उचाल्ने खेलाडी बन्ने दाउमा रहेका थिए । जोकोभिच पछिल्लो पटक सन् २०२० को रोलान्ड गारोस फाइनलमा राफाएल नाडालसँग भने पराजित भएका थिए ।
