Total views : 358920
जन आवाज संवाददाता
कुरिनटार । चितवनको कुरिनटारमा आज बिहान माइक्रोबस र टिपर ठोक्किँदा १३ जना घाइते भएका छन् ।
प्रहरी कार्यालय मुग्लिनका अनुसार मुग्लिनबाट काठमाडौं तर्फ गइरहेको बा ३ ख ६६१० नम्बरको माइक्रो र विपरित दिशाबाट आइरहेकोे बा ४ ख ६४१७ नम्बरको टिपर पृथ्वीराजमार्ग अन्र्तरगत चितवनको इच्छाकामना ४ कुरिनटारमा आज विहान ७ः१० बजे एक आपसमा ठोक्किदाँ माइक्रोमा सवार १३ जना घाइते भएका प्रहरीले जानकारी गराएको छ ।
घाइते हुनेहरुमा दुई जनाको अवस्था भने गम्भीर रहेको बताइएको छ । घाइतेहरु मध्ये १२ जनालाई उपचारका लागि नयाँ मेडिकल कलेज भरतपुर र एक जनालाई काठमाडौं पठाइएको प्रहरीले जानकारी गराएको हो ।
उक्त दुर्घटना प्रहरीका अनुसार माइक्रोले ओभरट्याक गर्ने क्रममा भएको हो ।
