Total views : 371048
कठमाडौं । आज संविधान दिवसका अवसरमा राष्ट्रपति विद्यादेवी भण्डारीले आठ जना कैदीलाई माफी दिनुभएको छ भने, पाँच सय २३ कैदीको कैद कट्टा गरिएको राष्ट्रपति कार्यालयले जानकारी गराएको छ ।
२९ भदौमा बसेको मन्त्रिपरिषद् बैठकले असोज ३ गते संविधान दिवसको अवसर पारेर कैद माफी र कैद कट्टाका लागि राष्ट्रपतिसमक्ष सिफारिस गरेको थियो । सोहि सिफारिस अनुसार संविधान दिवसका अवसरमा हर्कबहादुर राईसमेत पाँच सय २३ कैदीले भुक्तान गर्न बाँकी कैद कट्टा गरी माफी मिनाहा गरिएको छ ।
यस्तै संविधान दिवसका अवसरमा राष्ट्रपति भण्डारीले पूर्णबहादुर भन्ने किशोर भण्डारीसमेत आठ जनालाई कैद सजाय माफी दिनुभएको छ ।
संविधानको मुलुकी फौजदारी कार्यविधि संहिता, २०७४ मा सरकारले राम्रो आचारण भएका कैदी बन्दीलाई सजाय माफी दिनसक्ने व्यस्वस्था समेत गरेको छ ।
