Total views : 361883
एजेन्सी । इन्डियन प्रिमियर लिग क्रिकेट आईपीएलका बाँकी खेलहरु आजदेखि शुरु हुने भएको छ । भारतमा कोरोना महामारीका कारण स्थगित भएको खेलहरु यो सिजनमा युएई र ओमानमा आयोजना हुन लागेको बताइएको छ ।
आईपीएलका ३१ खेलहरु बाँकी रहेका छन् भने, फाइनल खेल १५ अक्टोबरमा हुने भएको छ ।
आज चेन्नाई सुपर किंग्स र मुम्बई इन्डियन्स भिड्दै छन् । आज हुने खेल नेपाली समय अनुसार पौने ८ बजे शुरु हुने बताइएको छ ।
यस्तै यसअघि पहिलो चरणको भेटमा मुम्बईले चेन्नाईलाई ४ विकेटले पराजित गर्न सफल भएको थियो । चेन्नाईले ७ खेलबाट १० अंक जोड्दै तालिकाको दोस्रो स्थानमा छ भने मुम्बईले ७ खेलबाट ८ अंक जोड्दै आफूलाई चौथो स्थानमा राखेको छ ।
यता आईपीएल तालिकाको शीर्ष स्थानमा रहेको दिल्ली क्यापिटल्सको भने ८ खेलबाट १२ अंक रहेको छ ।
