Total views : 405134
भक्तपुर । भक्तपुरको सूर्यविनायक नगरपालिका वडा नं. ७ गुण्डु तीनधारेमा सुवर्णेश्वरबाट काठमाण्डौ वल्ड स्कुलतर्फ जाँदै गरेको बाग्मती प्रदेश ०२-०२२ प. १७४८ नं. को स्कुटी र बिपरीत दिशाबाट आउँदै गरेको बाग्मती प्रदेश ०२-०१७ प. ५०१२ नं. को स्कुटी एक आपसमा ठक्कर खाई दुर्घटना हुदाँ बाग्मती प्रदेश ०२-०२२ प. १७४८ नं. को स्कुटी चालक भक्तपुर सूर्यविनायक नगरपालिका वडा नं. ५ कटुन्जे बस्ने वर्ष २२ को राजाराम थापा मगरको मृत्यु भएको छ ।
दुर्घटनापछि गम्भीर घाईते भई तत्कालै उपचारको लागि भक्तपुर अस्तपाल लगिएकोमा उपचारकै क्रममा साझ ७ बजेको समयमा सम्बन्धित चिकित्सकले मृत्त घोषणा गरेको जिल्ला प्रहरी परिसर भक्तपुरले जनाएको छ । अर्का स्कुटी चालक भक्तपुर सूर्यविनायक नगरपालिका वडा नं. ५ गुण्डु मगर गाँउ बस्ने वर्ष ४९ की पार्वती नगरकोटी घाईते भई मध्यपुर अस्पताल ठिमी भक्तपुरमा उपचार भइरहेको परिसरका सूचना अधिकृत राजन कार्कीले जानकारी दिनुभयो । घटनास्थलमा प्रहरी वृत जगाती भक्तपुरबाट अनुसन्धान अधिकृत सहितको प्रहरी टोली खटिई गई प्रारम्भिक अनुसन्धान कार्य गरी दुबै स्कुटी नियन्त्रणमा लिई घटनाको सम्बन्धमा थप अनुसन्धान कार्य भइरहेको जनाइएको छ।
