परमेश्वरको मण्डली ISBA द्धारा सरसफाई अभियान सम्पन्न (तस्बिरमा हेर्नुहोस्)

रशिला थापा
काठमाडौं । आईतबार परमेश्वरको मण्डली विश्व सुसमाचार समाज विद्यार्थी स्वंयसेवक समुह ISBA ले विद्यार्थीहरुद्धारा आयोजित सरसफाई अभियान जोरपाटिमा सम्पन्न गरेको छ ।

कार्यक्रममा गोकर्णेश्वर नगरपालिका वडा नं. ५ का वडा अध्यक्ष नारायण सुवेदीले अघिल्लो वर्षहरुमा झै यो वष पनि सरसफाईद्धारा जनचेतना जगाउने कार्य परमेश्वर मण्डलविश्व सुसमाचार समाजका विद्यार्थीहरुको ISBA समुहले गरेको छ । धेरै ठाउँहरुमा फोहोरहरु बढिरहेको यो समयमा फोहोर हटाउन सफाइ अभियान चलाउनु भएको छ, यसले हाम्रो नगरपालिकालाई नमुना नगरपालिका बनाउन समेत सहयोग गरिरहेको बताउनुभयो । नगरपालिकाको तर्फबाट यस कार्यक्रमलाई निरन्तर संचालन गर्नका लागि साथ सहयोग रहने प्रतिबद्धता समेत व्यक्त गर्नुभयो ।

कार्यक्रममा कियर फर नेपालका अध्यक्ष प्रकाश डङ्गोलले विगत लामो समयदेखि अन्तराष्ट्रिय स्तरमा सरसफाई गर्दै आएको यस विद्यार्थीहरुको समुह ISBA ले नेपालमा समेत विगत केहि समयदेखि सरसफाइलाई अभियानको रुपमा संचालन गरिरहेको बताउनुभयो । हामी सबैको लागि सफाई महत्वपुर्ण भएकोले यो कार्यक्रलाई निरन्तरता दिनुपर्ने बताउनुभयो ।

सरसफाई कार्यक्रममा ISBA क्लबका सदस्यहरूले गोकर्णेश्वर नगरपालिका वडा नं. ५ को आसपासको ठाउँहरुमा सरसफाई गरेको छ । सरसफाई पश्चात कार्यक्रममा उपस्थित हुनुभएका अथितिहरुले विद्यार्थीहरुले गरेको कार्य उत्कृष्ट भएको बताउदै प्रशंसा समेत गर्नुभएको थियो । सरसफाई गरेपछि फोहोरले भरिएको वडा एकदमै सुन्दर र सफा देखिएकोले थियो ।

यसअघि पनि निरन्तर रुपमा विभिन्न विद्यालहरुमा सरसफाइ कार्यक्रमहरु गर्दै आएको र भविस्यमा समेत उक्त कार्यक्रमलाई निरन्तरता दिने ISBA ले जानकारी गराएको छ ।