Total views : 394165
चितवन । नारायणगढ नजिक नारायणी नदी किनारमा आइतबार बिहान एक जनालाई आक्रमण गरेर नरकट झाडीमा लुकेको बाघ १५ घण्टापछि नियन्त्रणमा आएको छ । बाघ नियन्त्रणमा लिन परिचालन गरिएको हात्ती नै तर्सिएर भागेपछि बाघलाई बस्तीनजिक आइपुगेको बाघ नियन्त्रण झन् कठिन भएको थियो ।
बाघ नियन्त्रणमा लिन चितवन निकुञ्जका पशु चिकित्सक र हात्तीसहित राष्ट्रिय प्रकृति संरक्षण कोष सौराहामा प्राविधिकहरू मध्यान्हदेखि निरन्तर खटिएका थिए ।
बाघले आइतबार बिहान साढे ५ बजे तिर नारायणगढ बेलटाँडीका पशुपति श्रेष्ठलाई आक्रमण गरी घाइते बनाएको थियो । बाघ नियन्त्रणमा लिन तीनवटा हात्ती आए पनि बाघ नजिक पुग्दा गर्जन सुनेर दुई वटा हात्ती तर्सेर भागेका थिए । ती हात्ती भागेपछि सौराहाबाट थप दुई हात्ती लगिएको थियो । नारायणगढ लिलाचोक र पोखराबसपार्क बीचमा रहेको रेयुकाइ कार्यालय आडको नारायणी किनारमा बाघले आक्रमण गरेको थियो ।
हाल बाघलाई नियन्त्रणमा लिइएको छ भिडियो तल हेर्नुहोला:
