Total views : 378931
काठमाडौं । इलाका प्रहरी कार्यालय बर्दिवासले ठुलो परिमाणमा ६११ किलो तयारी गाँजा नियन्त्रणमा लिएको छ ।
बर्दिवास नगरपालिका वडा नं.१ स्थित यामाहा मोटरसाइकलको सो?म अगाडिबाट बा.प्र.०३-००१ख-२८३२ नं. को नेपाली मिनि ट्रकबाट बिआर ३० जी ७०४३ नं.को भारतीय ट्रकमा पल्टि गर्दै गरेको अवस्थामा ४० पोकामा रहेको ६११ किलो तयारी गाँजा नियन्त्रणमा लिएको बताएको छ ।
इलाका प्रहरी कार्यालय बर्दिवासका प्रमुख डिएसपी रेवती रमण पोखरेलको कमाण्डमा खटेको टोलीले उक्त गाँजासहित भारतको मोतिहारी जिल्ला ग्राम पन्चायन कुरिया निवासी २५ वर्षीय गुड्डु कुमार यादव र सोहि जिल्लाको मधुरापुर बस्ने २९ वर्षीय मनिष कुमार गिरीलाई नियन्त्रणमा लिएको छ ।
गाँजा बोकेर आएको नेपाली नम्बरको मिनि ट्रकको चालक तथा अन्य सहयोगीको तत्काल फरार भएकोमा उनीहरुको खोजी प्रहरीले गरिरहेको जिल्ला प्रहरी कार्यालय महोत्तरीका प्रवक्ता डिएसपी सन्तुलाल प्रसाद जयसवारले बताउनुभयो ।
