Total views : 295971
भक्तपुर । आज साँझ मन्त्रिपरिषद् बैठक बस्ने भएको छ । प्रधानमन्त्री तथा मन्त्रिपरिषद्को कार्यालय सिंहदरबारमा साँझ पाँच बस्ने गरी मन्त्रिपरिषद्को बैठक बोलाएको हो ।
आज बस्ने बैठकको एजेन्डाबारे जानकारी नआइसकेको बताइएको छ । आजको बैठकले दल विभाजन सम्बन्धी अध्यादेश ल्याउन सक्ने चर्चा चलिरहेको छ । प्रधानमन्त्री केपी शर्मा ओलीले निरन्तर प्रयास गरे पनि सत्ता साझेदार दल नेपाली काँग्रेसका कारण सफल हुन सकेको थिएन ।
प्रधानमन्त्री ओलीले संसद् अधिवेशन नभएको बेला अध्यादेश ल्याएर नेकपा एकीकृत समाजवादी र अशोक राई नेतृत्वको जसपा विभाजन गर्ने तयारीमा रहेको छ । त्यसका लागि ओलीले काँग्रेस सभापति शेरबहादुर देउवा र गृहमन्त्री रमेश लेखकलाई तयारी गर्न दबाब दिँदै आएको समेत देखिएको छ । यसैगरी आइतबार साँझ प्रधानमन्त्रीको सरकारी निवास बालुवाटारमा काँग्रेस सभापति शेरबहादुर देउवासहित गृहमन्त्री रमेश लेखकलाई बोलाएर प्रधानमन्त्री ओलीले छलफल गरिसक्नुभएको छ ।
आज नै मन्त्रिपरिषद् बैठक अघि विपक्षी दलहरूले सिंहदरबारमा प्रधानमन्त्रीलाई भेटेर ज्ञापनपत्र बुझाउने बताइएको छ ।
