Total views : 347583
काठमाडौं । काठमाडौंको बनस्थलीमा रहेको त्रियोगात्मक बचत तथा ऋण सहकारी संस्था लि.को आयोजना बृहत रक्तदान कार्यक्रम सम्पन्न भएको छ । कार्यक्रम काठमाडौं जिल्ला बचत तथा ऋण सहकारी संघ लिको कास्कून र ब्लोदानको संयोजनमा रक्तदान कार्यक्रम भएको हो ।
सो रक्तदान कार्यक्रम कास्कून र ब्लोदान बीच आर्थिक वर्ष २०७८ देखि ०८९ सम्ममा कास्कूनका सदस्य संस्थाहरुको आयोजनामा ५२ वटा रक्तदान कार्यक्रम आयोजना गर्ने सहमती अनुसार उक्त रक्तदान कार्यक्रम सम्पन्न भएको कास्कूने जानकारी गराएको छ
कार्यक्रम त्रियोगात्मक बचत तथा ऋण सहकारी संस्था लि.को कार्यालयमा सम्पन्न भएको रक्तदान कार्यक्रममा ३० जना रक्तदाताहरुले रक्तदान गरेका थिए । कास्कूनका उपाध्यक्ष नवराज अर्याल र सञ्चालक तारानाथ सापकोटा तथा ब्लोदानका भोलानाथ पाठकले रक्तदाताहरुलाई प्रमाण पत्र प्रदान गर्नुभएको थियो । आगामी दिनहरुमा समेत रक्तदान कार्यक्रमहरु आयोजना गर्दै जाने संस्थाले जानकारी गराएको छ ।
