Total views : 355806
राष्ट्रिय सहकारी बैंक लिमिटेडका अध्यक्ष के.बी उप्रतीले सहकारी संघरसंस्थाहरुको वित्तीय गुणस्तर मापन गर्ने आधारनै पर्ल्स विश्लेषण भएको बताउनु भएको छ । सहकारी संस्थाको अनुपात मिलाउने र सेवा सुविधालाई सेवाग्राही माझ प्रविधिमैत्री बनाउन पर्ल्स सम्बन्धीको तालिमले सहयोग पुग्ने बताउनु भयो ।
शुक्रबार बैंकको चापागाँउ र इमाडोल शाखाको संयुक्त आयोजनामा भर्चुअल माध्यमबाट भएको पर्ल्स विश्लेषण तालिमको शुरुवात गर्दै अध्यक्ष उप्रेतीले यस्तो बताउनु भएको हो । अध्यक्ष उप्रतीले सहकारीका संचालक तथा कर्मचारीलाई सहकारीको प्रभावकारी वित्तिय संरचना ,सम्पतिको गुणस्तर प्रतिफलदर, तरलता र बृद्धिदरमा ध्यान दिदै संघरसंस्थाको बचत संकलन, शेयर पुँजी बृद्धि, भाका नाघेको ऋण र संस्थागत पँजी लगायत सुचकको अनुपात ब्यवस्थापनमा ध्यान दिन पनि तालिमका सहभागिहरुलाई आग्रह गर्नु भयो ।
सहकारीलाई प्रविधिमैत्री र व्यवस्थित बनाउने उद्देश्यले राष्ट्रिय सहकारी बैंक लिमिटेडकोे आयोजनामा एक दिने पर्ल्स विश्लेषण सम्वन्धी तालिम आयोजित तालिममा बैंकको चापागाँउ र इमाडोल शाखा अन्र्तगतको सहकारीका संचालक तथा कर्मचारीलाई लक्षित गरी तालिम संचालन गरिएको थियो ।
बैंकको बुटवल शाखका प्रमुख नारायण बेल्वासेले सहजीकरण गर्नु भएको तालिममा चापागाँउ र इमाडोल शाखा कार्यालय क्षेत्र भित्रका एक सय भन्दा बढी सहकारीकर्मीहरुले सहभागिता जनाएका थिए । तालिम विभागका बरिष्ठ अधिकृत मिना कुमारी शर्माले संचालन गर्नु भएको कार्यक्रमको स्वागत मन्तव्य चापागाउँ शाखाका प्रमुख रामशरण सापकोटाले दिनुभएको थियो ।
