Total views : 368019
भक्तपुर । पोखराको सूर्यदर्शन सहकारी ठगी प्रकरणमा शुक्रबारदेखि प्रतिवादीहरूतर्फको बहस सुरु हुने भएको छ । जिल्ला अदालत कास्कीमा राष्ट्रिय स्वतन्त्र पार्र्टी रास्वपाका सभापति रवि लामिछाने सहितका प्रतिवादीतर्फको बहस आजदेखि हुने भएको हो ।
आज प्रतिवादीका तर्फबाट कानून व्यवसायीहरूले बहस गर्ने बताइएको छ भने, सूर्यदर्शन सहकारी ठगी प्रकरणमा बिहीबार जाहेरवालाका तर्फबाट बहस सकिएको थियो । जिल्ला अदालतका न्यायाधीश नितिज राईको इजलासमा बहस भइरहेको हो ।
पूर्वउपप्रधान एवं गृहमन्त्री लामिछानेलगायत प्रतिवादी रहेको मुद्दामा बिहीबार जाहेरवालाका तर्फबाट ६ जना कानून व्यवसायीको तर्फबाट बहस भएको थियो । प्रतिवादीका तर्फबाट बहस सकिएपछि पुनः सरकारी वकिलले जवाफी बहस गर्नेछन् ।
सरकारी वकिलको तर्फबाट बुधबार बहस सकिएको थियो । बहसका क्रममा लामिछानेसहित पूर्वडीआईजी छविलाल जोशी, लीला पछाईं, रामबहादुर खनाल, पूर्वसांसद मीना गुरुङ, कृष्णबहादुर गुरुङ र आरती गुरुङ इजलासमै उपस्थित रहेको थिए ।
